طريقة عمل مصاصات فى البيوت

اولا المقادير:
2 كوب سكر.
3\2كوب ماء.
7حبات فراولهز
1معلقه كبيره عسل نحل.
1معلقه صغيره خل.
شفاطات بلاستيك للمصاصات.
قوالب اشكال للبونبونى.
الطريقه:
اول حاجه ناخد الفراوله مع المايه فى حله يغلو مع بعض لغاية ما المايه تاخد اللون والطعم من الفراوله .
بعد كده نصفيها وناخد 3\2 كوب المايه الناتجه.
بعد كده نحط المايه اللى بقى لونها احمر ومعاها معلقة العسل ومعلقة الخل فى الحله .
نقلبهم ونحطهم على نار هاديه فى الوقت ده نحضر القوالب اللى هنحط فيها البونبونى والمصاصات.
ممكن للبونبونى نستخدم قوالب سليكون صغيره وللمصاصات نستخدم ورق فويل وندهنه زيت ونمسحه بمنديل وكل شويه نقلب بشويش لحد ما كل السكر يدوب خالص (حوالى 4\1 ساعه) .
بعد ما نتاكد ان السكر داب نعلى النار ونسيب الخليط يغلى حوالى خمس دقائق او اكتر شويه.
نخلى جنبنا كوباية مايه ساقعه كل شويه ناخد بمعلقه صغيره من الخليط اللى على النار ونحطه فى الكبايه لو فضل طرى يبقا لسه شويه لو بقى جامد يبقى كده خلاص
ناخده بسرعه على حمام مايه سا قعه لمدة 10 ثوانى.
نصبه فى القوالب ونكون حطين الشفاطات البلاستيك.
نصب عليه بسرعه قبل ما يتجمد .
نسيبهم لما يبردو واشيلهم من القوالب.
................."وبالهناء والشفاء".....................
يا رب تكون الوصفه عجبتكم.