بسكويت كوكيز بالصورررررررررر

انهاردة جيبلكم بسكويت كوكيز عمايل ايد بنت اختى وبنتى علشان هما على وش جواز فسيباهم يجربوا مع بعض بس طلعت تحفة وناعم وبيدوب فى الفم والحمد لله ضمنت انهم مش حيرجعولى بعد الجواز معلش طولت عليكم ندخل
فى المقادير
نص كوب زبده سايحة بدرجة حرارة الغرفة
كوب ونص دقيق
بيضة واحده نص كوب سكر بودرة
معلقتين لبن
قطع شيكولاتة شيبس حرارية
نص معلقة فانيليا
ومعلقة بيكنج بودر
ورشة ملح
و3ملاعق كاكاو
الطريقة

نضرب الزبدة السايحة مع السكر البودرة لحد مايبن لة صاحب ويبقى ابيض زى الكريمة وبعدين نحط البيضة والفانيليا ومعلقتين اللبن مع الضرب
وبعدين نكون نخلين الدقيق والبيكنج باودر و الملح والكاكاو ونحطة على الخليط ونضرب وبعدين نحط الشكولاتة القطع وبكدة العجين يكون جاهز بداء نكورة بالمعلقة الصغيرة على شكل كور ونحطة فى صينية مدهونة بزيت وندخلة الفرن على درجة حرارة 180 لمدة 10 الى ربع ساعة بس اهم حاجة على نار هادية
وبالهنا والشفا